Enpresaren jatorria eta ibilbidea

Aplicaciones Prácticas Electrónicas, S.A. (APEL S. A.) 1981n sortu zen, eta eskarmentu handia du industria-elektronikaren arloan. Hasiera hasieratik, enpresaren jarduera bezeroen beharrei eta merkatuaren joerei eta produktuei egokitu zaie, eta egokitzapen horri esker, aditu bihurtu da honako arlo hauetan guztietan: potentzia-elektronikoko eta indukzio bidezko makinen mantentze-lan zuzentzaileak eta prebentiboak, makina-erremintaren mantetze-lanak, eta potentzia-elektronikaren arloko makinen eta osagaien hornikuntza. APEL S.A. sektorean adituak diren eta azken joeren berri duten profesionalek osatzen dute. Izan ere, APEL S.A.n etengabeko prestakuntza funtsezkoa da.

Enpresaren xedea eta etorkizunerako ikuspegia

Gure misio nagusia indukzio bidezko berotzearekin erlazionatutako beharrei erantzutea da, eta horretarako ekipoen ekoizleekin lankidetzan aritzen gara.
Enpresa dinamikoa izatea, eta langileek beren talentuak garatzea eta gure estrategiarekiko konpromisoa hartzea.
Gure barne-prozesuak hobetzea, gure zerbitzuen bikaintasunari eusteko. Bezeroaren ahotsa gure prozesuetan integratzea, eta, horretarako, langile guztiek bezeroarentzako arreta beren gain hartzea prozesuaren fase guztietan.
Ezagutzetan eta prozesuetan berritzeko apustua egitea, eta, horretarako, gure hornitzaileekin, bezeroekin eta beste interes-talde batzuekin aliatzea.

Balioak

Zintzotasuna

Bezeroaren lekuan jartzen gara beti, haren beharretara eta aurrekontura ahalik eta gehien egokitzen den zerbitzua eskaintzeko.

Kalitatea

Prozesu guztiak era antolatuan eta eraginkorrean kudeatzen ditugu, eta hori egiaztatzen duten ziurtagiriak lortzen ahalegintzen gara, bezeroei konfiantza emateko.

Hurbiltasuna

Harreman estua eta hurbila dugu bezeroekin, eta azkarrak eta malguak gara; hori guztia lan-katea optimizatze aldera.

Irtenbide globalak

Ez gara proiektu zehatzak egiten dituen enpresa bat; irtenbide osoak, globalak eta pertsonalizatuak eskaintzen ditugu, eta bezeroa proiektuaren zati sentitzea nahi dugu.

Eskatu aurrekontu bat konpromisorik gabe

Harremantean jarri